fbpx

 बुटीबोरी येथे कौशल्य विकास व प्रशिक्षण केंद्राचे उद्घाटन

Solapur City News ● Facebook ● Facebook Page ● Youtube ● Twitter फॉलो करा  अपडेट राहा

नागपूर- साधारणतः सर्व उद्योग समूहामध्ये वेल्डिंग वर्क आणि त्यासाठी लागणाऱ्या अनुषंगिक यंत्रणेची उपयोगिता आहे. यासाठी बुटीबोरी मॅन्युफॅक्चरर्स असोसिएशन मेटल बिल्डींग अँड रेफेक्टरी ब्रिक्स (बीएमए) या संस्थेने घेतलेला पुढाकार कौतुकास्पद असून सुशिक्षित बेरोजगारांनी याचा लाभ घ्यावा, असे आवाहन राज्याचे ऊर्जामंत्री तथा नागपूरचे पालकमंत्री डॉ. नितीन राऊत यांनी केले आहे.

          Welding inaugaration 750x375 1बुटीबोरी येथे बीएमए संस्थेमार्फत स्टील वेल्डिंग आणि वेल्डिंग करण्यासाठी आवश्यक असणाऱ्या ट्रेन ब्रिक्स लाइनिंग अर्थात भट्टी निर्माण करण्याच्या प्रशिक्षणा संदर्भातील अभ्यासक्रमाचे उद्घाटन मंगळवारी सायंकाळी करण्यात आले. या उद्घाटनाला पालकमंत्री डॉ. राऊत यांनी आपल्या ऑनलाइन संबोधनात दहावी व बारावी या किमान पात्रतेच्या सुशिक्षित बेरोजगारांसाठी निर्माण करण्यात आलेल्या या अभ्यासक्रमाचे कौतुक केले.

तर जिल्हाधिकारी रवींद्र ठाकरे यांनी या परिसरातील सुशिक्षित बेरोजगारांनी बीएमए संस्थेमार्फत सुरू करण्यात आलेल्या या अभ्यासक्रमाचा फायदा घेण्याचे आवाहन केले. कोणत्याही उद्योग समूहामध्ये सध्या मोठ्या प्रमाणात वेल्डिंग करणाऱ्या प्रशिक्षित व कौशल्य युक्त कर्मचाऱ्यांची गरज आहे. त्यामुळे या मोफत प्रशिक्षणातून अनेकांचे भविष्य घडू शकते. त्यासाठी सुशिक्षित बेरोजगारांनी याचा फायदा घ्यावा असे आवाहन त्यांनी केले. 

               बुटीबोरी मॅन्युफॅक्चरर्स असोसिएशनने स्टील वेल्डिंग आणि ट्रेन वेल्डर्स ब्रिक्स (बीएमए) तरुणांना प्रशिक्षण देण्यासाठी कौशल्य विकास व प्रशिक्षण केंद्र सुरू करण्यासाठी पुढाकार घेतला आहे. या उपक्रमातून बीएमएचे उद्दीष्ट आहे की, तरुणांना व्यावहारिक प्रशिक्षण देऊन त्यांना उद्योगातील नोकरीसाठी उपयुक्त बनवले पाहिजे. पालकमंत्री आणि उर्जामंत्री डॉ. नितीन राऊत, यांचा हस्ते व्हिडिओ कॉन्फरन्सिंगद्वारे या केंद्राचे उद्घाटन करण्यात आले. या प्रसंगी  जिल्हाधिकारी, रवींद्र ठाकरे. नागपूर जिल्हा परिषदेचे मुख्य कार्यकारी अधिकारी योगेश कुंभेजकर, आयटीआय सहसंचालक पीटी देवटाले, प्रदीप खंडेलवाल (अध्यक्ष बीएमए), सुरेश राठी (अध्यक्ष व्हीआयए),  बीएम तिवारी (प्लांट हेड, खासदार बिर्ला ग्रुप सिमेंट प्लांट, बुटीबोरी) यांची उपस्थिती होती. या उपक्रमात मदत करणाऱ्या  मेसर्स कॅल्डरीज इंडिया रिफ्रैक्टरीज लिमिटेड केंद्रांचे संचालक श्री. ईश मोहन गर्ग मेसर्स डिफ्यूजन इंजिनियर्स लिमिटेड आणि त्यांचे संचालक  प्रशांत गर्ग यांचे यावेळी आभार व्यक्त करण्यात आले. प्रशांत गर्ग यांनी त्यांचे वडिल नरेंद्र गर्ग यांच्या  स्मरणार्थ वेल्डिंग मशीन दान केली आहे.

            यावेळी एम. एस. मधुस्याम एंटरप्रायजेसचे केंद्र संचालक प्रदीप खंडेलवाल यांनी केंद्र उभारणीसाठी त्यांचे आवारातील जागा दिल्याबद्दल त्यांचे आभार व्यक्त करण्यात आले.  यावेळी जिल्हाधिकारी रविंद्र ठाकरे, मुख्य कार्यकारी अधिकारी योगेश कुंभेजकर यांनी या उपक्रमाचे स्वागत केले. यातून मोठ्या प्रमाणात गरजवंत सुक्षिशित बेरोजगारांना रोजगाराची संधी उपलब्ध व्हावी, प्रशिक्षण देतानांच यासाठी पुढाकार घ्यावा अशी सूचना त्यांनी केली. प्रशिक्षण समितीचे सदस्य जीवन घिमे, संजय भालेराव, शशिकांत कोठारकर, नितीन लोणकर, नितीन गुज्जेलवार, विजय अग्रवाल, शशीन अग्रवाल  आदी यावेळी उपस्थित होते.

जाहिरात-

IMG 20200829 WA0010

(डिजिटल युगात डिजिटल जाहिरात करा आणि आपल्या व्यवसाय वृद्धिंगत करा)

जाहिरातीसाठी संपर्क- 9503221143

By Digital Media

Digital Media देशात रेडिओ, टिव्ही, वृत्तपत्रांना मागे टाकत डिजिटल मिडिया उद्यास आले आहे. येणाऱ्या काळात आणि पुढिल पिढीसाठी डिजिटल मिडियावर आणखी जोर वाढणार आहे. आमच्या फेसबुक वाचक संख्या व आमच्यावरील विश्वास पाहून नविन www.solapurcitynews.com वेबसाईट Digital Media वर आपल्या सेवेत आलो आहोत. देशातील व महाराष्ट्रासह आपल्या गावापर्यंतची बातमी तुमच्या पर्यंत पोहचवणार आहोत. सोशल मिडिया व डिजिटल मिडियाकडे सर्वांचा कल वाढतोय म्हणून आम्ही डिजिटल मिडियाकडे पाऊल टाकत आहे. ****अधिक माहितीसाठी संपर्क *** सुनिल कोडगी, संपादक 9503221143 / 9404151143

Corona Live Update