Accident अपघाताची माहिती मिळताच उस्मानाबाद ग्रामीण ठाण्याचे पोलीस निरीक्षक सुरेश साबळे, सहाय्यक पोलीस निरीक्षक योगेश शिंदे, पोहेका. एस.एस. कट्टे आदींनी घटनास्थळी धाव घेतली. स्थानिक नागरिकांच्या मदतीने आणि क्रेनच्या सहाय्याने मृतांना बाहेर काढून येडशी येथील प्राथमिक आरोग्य केंद्रामध्ये शवविच्छेदनासाठी दाखल केले.या आपघाताची Accident नोंद उस्मानाबाद ग्रामीण पोलिस ठाण्यात करण्यात आली आहे. या भीषण अपघातात हिरकणाबाई मुरलीधर पाडे (वय ७०), उमेश मुरलीधर पाडे (वय ५०), सविता उमेश पाडे (वय ४५) आणि मुलगा प्रतिक उमेश पाडे (वय २३, सर्व रा. प्रकाश नगर लातूर) यांचा समावेश आहे. हृदय पिळवटून टाकणारे टाकणाऱ्या आपघाताने पाडे कुटुंबावर घालाच घातला आहे.

लातुरात खासगी वसतीगृह चालवित होते पाडे कुटुंबीय…

उमेश पाडे हे लातुरातील प्रकाश नगर भागात खासगी वसतीगृह चालवित होते. दरम्यान, काही कामानिमित्त ते उस्मानाबादला कुटुंबासह गेले होते. लातूरला परतताना हा भीषण अपघात झाला. अचानकपणे वाहनावरील नियंत्रण सुटल्याने कार कंटेनरवर आदळली. यात कारचा चेंदामेदा झाला आहे.