मुख्यमंत्र्यांना पत्र

बोट अपघाताची चौकशी करण्यासाठी मुख्यमंत्री उद्धव ठाकरे यांना पत्र लिहिण्यात आलं होतं. भाजपचे माजी आमदार डॉक्टर विनय नातू यांनी मुख्यमंत्र्यांना हे पत्र लिहिलं होतं. नावेद 2 नावाची मच्छिमारी बोट 26 ऑक्टोबरपासून बेपत्ता होती. नासीर हुसैन मिया संसारे यांच्या मालकीची ही मासेमारी नौका आहे. या बोटीवर तांडेल दगडु, गोविंद, दत्ता, अमोल, सूर्या, अनिल असे एकूण आठ खलाशी आहेत. हे सर्व साखरी आगर येथील रहिवासी होते. Mystery त्यातील एकाचा मृतदेह नोव्हेंबर महिन्याच्या सुरुवातीला समुद्रात सापडला होता.

हे वाचा – वानखेडे वादात नवा ट्विस्ट; समीर वानखेडे यांच्या आत्या गुंफाबाई यांनी या प्रकरणात घेतली एन्ट्री

खलाशाचा मृतदेह सापडला

रत्नागिरीतील नौकेवरील एका खलाशाचा मृतदेह 31 ऑक्टोबरला सापडला होता. 45 वर्षीय अनिल आंबेरकर यांच्या मृतदेहाची  Fishingओळख पटली होती, तर उर्वरित खलाशांचा शोध घेतला जात होता. 26 ऑक्टोबरपासून जयगडमधील मासेमारी बोटीचा संपर्क तुटल्याने चिंतेचं वातावरण होते.. नावेद-2 या नौकेवर तांडेलसह आठ खलाशी होते. मात्र एका खलाशाचा मृतदेह सापडल्यानंतर बेपत्ता बोटीविषयी भीती वाढली होती.

समुद्रात गेलेली नौका बेपत्ता

नावेद-2 ही नौका मासेमारीसाठी रत्नागिरी जिल्ह्यातील जयगड येथून 26 ऑक्टोबरला समुद्रात गेली होती. मात्र नौकेशी कोणताही संपर्क न झाल्याने बोट मालकाने जयगड पोलिस ठाण्यात तक्रार दिली होती. त्यानंतर खोल समुद्रात प्रशासनाच्या तीन स्पीड बोटी, कोस्टगार्डची एक स्पीड बोट आणि काही खासगी बोटींनी युद्ध पातळीवर ‘सर्च ऑपरेशन’ सुरु केले.