bh pat 01 nda meeting 7201750 15112020085044 1511f 00074 764 1511newsroom 1605455971 998
Economy National

आज घेणार नितीश कुमार सातव्यांदा बिहारच्या मुख्यमंत्रीपदाची शपथ

Solapur City News ● Facebook ● Facebook Page ● Youtube ● Twitter फॉलो करा व अपडेट राहा
पाटणा – जनता दल यूनायटेड पक्षाचे (जेडीयू) नेते नितीश कुमार उद्या (सोमवार) सातव्यांदा बिहारच्या मुख्यमंत्री पदाची शपथ घेणार आहेत. आज (रविवार) राष्ट्रीय लोकशाही आघाडी (एनडीए) विधीमंडळाची बैठक पार पडली. यात नितीश कुमार यांना एकमताने नेतेपदी निवडण्यात आले. यानंतर त्यांनी राज्यपाल फागू चौहान यांची भेट घेवून सत्ता स्थापनेचा दावा केला.

                    आम्ही राज्यपालांकडे राष्ट्रीय लोकशाही आघाडीतील भाजपा, जनता दल युनायटेड, हिंदुस्तानी अवामी मोर्चा, विकसशील इन्सान पार्टी या पक्षातील नवनियुक्त आमदारांची यादी सोपविली असून सत्ता स्थापनेचा दावा केला आहे. राज्यपालांनी आमचे पत्र स्वीकारले आहे. त्यांनी सत्ता स्थापनेसाठी आम्हाला आमंत्रण दिले आहे, असे नितीश कुमार यांनी सांगितले. मात्र, उपमुख्यमंत्री पदासाठी कोण उमेदवार असेल याबाबत त्यांनी मौन बाळगले. संरक्षणमंत्री राजनाथ सिंह, भाजप नेते सुशील कुमार मोदी राज्यपाल चौहान यांच्या भेटीसाठी गेले आहेत. राष्ट्रीय लोकशाही आघाडीने आज (रविवार) नितीश कुमार यांची विधिमंडळाच्या नेतेपदी निवड केली. एनडीएच्या विधिमंडळाची बैठक रविवारी बोलावण्यात आली होती, त्यामध्ये हा निर्णय घेण्यात आला. एनडीएमध्ये भाजपाला सर्वाधिक जागा मिळाल्यामुळे मुख्यमंत्रीपदासाठी नितीश कुमार यांची निवड होते की, नाही याबाबत अनेक तर्क-वितर्कांना उधाण आले होते. मात्र, निवडणुकीपूर्वीच ठरल्याप्रमाणे नितीश कुमार यांचीच मुख्यमंत्री म्हणून निवड करण्यात येईल, असे भाजपाने स्पष्ट केले होते.

दोन उपमुख्यमंत्र्यांचा फॉर्म्युला-

रविवारी झालेल्या नाट्यमय घडामोडीत केंद्रीय मंत्री गिरीराज सिंह यांचे ट्विट समोर आले होते. गिरीराज यांनी बिहारचे ज्येष्ठ नेते सुशील कुमार मोदी यांना टॅग करत लिहिले की, ‘तुम्ही नेते आहात, तुमच्याकडे उपमुख्यमंत्रीपद होते. भविष्यात तुम्ही भाजपचे नेते राहाल, पदामुळे कोणीही लहान-मोठे होत नाही’, गिरीराज यांच्या या ट्विटनंतर, सुशील मोदींच्या जागी दोन उपमुख्यमंत्र्यांचा फॉर्म्युला अवलंबता येईल, अशी चर्चा राजकीय वर्तुळात रंगली आहे.

#solapurcitynews

जाहिरात–

WhatsApp Image 2020 09 24 at 4.32.07 PMडिजिटल युगात डिजिटल जाहिरात करा आणि आपल्या व्यवसाय वृद्धिंगत करा

जाहिरातीसाठी आजच संपर्क साधा – 9503221143

Digital Media
Digital Media देशात रेडिओ, टिव्ही, वृत्तपत्रांना मागे टाकत डिजिटल मिडिया उद्यास आले आहे. येणाऱ्या काळात आणि पुढिल पिढीसाठी डिजिटल मिडियावर आणखी जोर वाढणार आहे. आमच्या फेसबुक वाचक संख्या व आमच्यावरील विश्वास पाहून नविन www.solapurcitynews.com वेबसाईट Digital Media वर आपल्या सेवेत आलो आहोत. देशातील व महाराष्ट्रासह आपल्या गावापर्यंतची बातमी तुमच्या पर्यंत पोहचवणार आहोत. सोशल मिडिया व डिजिटल मिडियाकडे सर्वांचा कल वाढतोय म्हणून आम्ही डिजिटल मिडियाकडे पाऊल टाकत आहे.
https://solapurcitynews.com