Mesma  दापोली व मंडणगड नगरपंचायतीच्या पार्श्वभूमीवर पालकमंत्री ॲड.अनिल परब रत्नागिरीत आले होते. पत्रकारांशी बोलताना परब म्हणाले की, एसटी कर्मचाऱ्यांच्या मागण्या आम्ही मान्य केल्या.पगारवाढ केली त्याचबरोबर दर महिन्याच्या दहा तारखेपूर्वी पगार देण्याचे मान्य केले.त्यानंतरही संप सुरू राहिला आहे.आता सदावर्ते यांनी 20 तारखेला एसटीचे सरकारमध्ये विलगीकरण करून देतो, असे सांगितले आहे. सदावर्ते हे कर्मचाऱ्यांची दिशाभूल करत आहेत.कर्मचाऱ्यांचा दीड महिन्यांचा पगार बुडाला आहे.कर्मचाऱ्यांचे नुकसान होत आहे असे परब यांनी स्पष्ट सांगितले.

किरीट सोमय्यांच्या विरोधात दावा

किरीट सोमय्यांच्या प्रश्नांना उत्तर द्यायला मी बंधनकारक नाही. ज्या ज्या एजन्सीनी मला प्रश्न विचारले त्यांना मी सर्व माहिती दिली आहे.त्यांचे समाधान झाले आहे. आता मी किरीट सोमय्यांच्या विरोधात अब्रुनुकसानीचा दावा दाखल केला आहे. एक तर त्यांनी माफी मागावी नाहीतर मला 100 कोटी रूपये द्यावेत असे ॲड.परब यांनी सांगितले.

म्हणून स्थानिक निवडणूकीत आघाडी

राज्यात महाविकास आघाडीचे सरकार आहे. म्हणूनच दापोली आणि मंडणगड नगरपंचायत निवडणूकीत शिवसेना आणि राष्ट्रवादीने आघाडी केली आहे. हा निर्णय वरिष्ठ पातळीवर झाला आहे.हा प्रयोग यशस्वी झाल्यास अन्य निवडणूकांमध्ये आघाडी पहायला मिळेल असे पालकमंत्री ॲड.अनिल परब यांनी सांगितले.