1 1 750x375 1
Covid 19 Economy Maharashtra

कोरोना संसर्ग कमी करण्यासाठी लावलेले निर्बंध कडक करा

Solapur City News ● Facebook ● Facebook Page ● Youtube ● Twitter फॉलो करा व अपडेट राहा

सातारा- सातारा जिल्ह्यात कोरोना संसर्ग असलेले रुग्ण आढळत आहेत.त्यामुळे जे निर्बंध लावले आहेत ते अधिक कडक करावेत. तसेच स्व. क्रांतिसिंह नाना पाटील सर्वसाधारण रुग्णालयातील आरटीपीसीआर लॅबची क्षमता वाढवून कोरोना टेस्टिंगचे प्रमाण वाढवा, अशा सूचना विधानपरिषदेचे सभापती रामराजे नाईक-निंबाळकर यांनी केल्या. जिल्हाधिकारी कार्यालयातील नियोजन भवनात आज कोरोना संसर्ग आढावा बैठक विधान परिषदेचे सभापती रामराजे नाईक-निंबाळकर यांच्या अध्यक्षतेखाली संपन्न झाली. त्यावेळी ते बोलत  होते. या बैठकीला पालकमंत्री बाळासाहेब पाटील, गृह राज्यमंत्री (ग्रामीण) शंभूराज देसाई, खासदार श्रीनिवास पाटील, जिल्हा परिषदेचे अध्यक्ष उदय कबुले, आमदार शशिकांत शिंदे, आमदार मकरंद पाटील, आमदार दिपक चव्हाण, जिल्हाधिकारी शेखर सिंह, मुख्य कार्यकारी अधिकारी विनय गौडा, पोलीस अधीक्षक अजयकुमार बन्सल आदी उपस्थित होते. तरुणांना जास्त प्रमाणात कोरोना संसर्ग होत आहे. जिल्ह्यातील तरुणांनी शासनाने तसेच प्रशासनाने घालून दिलेल्या नियमांचे पालन करावे, असे आवाहन करुन विधानपरिषदेचे सभापती रामराजे नाईक-निंबाळकर म्हणाले, जो कोणी नियमांचे पालन करणार नाही अशांवर कारवाई करावी. रुग्णांची संख्या वाढत आहे कोणताही रुग्ण बेडपासून वंचित राहणार नाही तसेच रुग्णास सहजपणे बेड उपलब्ध व्हावा यासाठी प्रशासनाने दक्षता घ्यावी, अशा सूचनाही त्यांनी शेवटी केल्या. कोरोना संसर्गाचे रुग्ण आढळण्याचे प्रमाण वाढत आहे. रुग्णांच्या संपर्कात आलेल्यांची जास्तीत जास्त कोरोना टेस्टिंग करावे, अशा सचूना करुन पालकमंत्री  पाटील यांनी केल्या. शासनाने व प्रशासनाने घातलेल्या निर्बंधाची प्रभावीपणे अंमलबजावणी करावी. मास्क घालणार नाहीत अशा नागरिकांवर दंडात्मक कारवाई करावी. तसेच लग्न समारंभावर लक्ष ठेवावे. तसेच रात्री 8 नंतर 5 पेक्षा अधिक नागरिक एकत्र येणार नाहीत याचीही  दक्षता पोलिसांनी घ्यावी अशा सूचना पालकमंत्री  पाटील यांनी दिल्या. लग्न समारंभ, बार, रेस्टॉरंट यांच्यावर पोलीस विभागाच्या माध्यमातून वेळोवेळी तपासणी करण्यात येईल. ज्या ठिकाणी नियमांचे पालन होणार नाही तेथे तात्काळ कारवाई करण्यात येईल, असे गृह राज्यमंत्री  देसाई यांनी या बैठकीत सांगितले. स्व. क्रांतिसिंह नाना पाटील सर्व साधारण रुग्णलयातील आरटीपीसीआर लॅबची क्षमता वाढविण्यासाठीचा प्रस्ताव द्यावा, या लॅबसाठी केंद्राकडून मदत मिळवून देण्यासाठी  प्रयत्न करणार असल्याचे खासदार श्रीनिवास पाटील या बैठकीत सांगितले. यावेळी आमदार शशिकांत शिंदे, आमदार मकरंद पाटील, आमदार दिपक चव्हाण यांनी उपयुक्त अशा सूचना केल्या. या बैठकीला अपर जिल्हाधिकारी रामचंद्र शिंदे, निवासी उपजिल्हाधिकारी सुनिल थोरवे, जिल्हा शल्यचिकित्सक डॉ. सुभाष चव्हाण, जिल्हा आरोग्य अधिकारी डॉ. अनिरुद्ध आठल्ये यांच्यासह आरोग्य विभागातील अधिकारी उपस्थित होते.

#solapurcitynews

जाहिरात–

डिजिटल युगात डिजिटल जाहिरात करा आणि आपल्या व्यवसाय वृद्धिंगत करा

जाहिरातीसाठी आजच संपर्क साधा – 9503221143