mangrooves 696x447 1
Environment

वन विभागास हस्तांतरित कांदळवनाचे संरक्षणासाठी उपाययोजना करा

Solapur City News ● Facebook ● Facebook Page ● Youtube ● Twitter फॉलो करा व अपडेट राहा

मुंबई- मुंबई उपनगर, ठाणे, पालघर व रायगड जिल्ह्यातील कांदळवन राखीव वन म्हणून अधिसूचित करणेबाबत तसेच या जमिनीवरील हरकती व दाव्यांची चौकशी तातडीने पूर्ण करुन कांदळवनाची राखीव वन म्हणून अंतिम अधिसूचना प्रसिद्ध करणेबाबत प्रगतीचा आढावा पर्यावरण मंत्री आदित्य ठाकरे यांनी घेतला.

                      पर्यावरण मंत्री ठाकरे यांनी कलम 4 अंतर्गत राखीव वन म्हणून अधिसूचित झालेल्या कांदळवनातील हरकती व दाव्यांची चौकशी १५ जानेवारी २०२१ पर्यंत पूर्ण करण्याचे निर्देश दिले. तसेच महसूल विभागाच्या ताब्यात असलेले राखीव वन तातडीने वन विभागास हस्तांतरित करण्याची सूचना दिली. या व्यतिरिक्त एम.एम.आर.डी.ए., म्हाडा, एम.आय.डी.सी., सिडको इत्यादी यंत्रणेच्या ताब्यातील कांदळवन क्षेत्र महसूल विभागास हस्तांतरित न करता वन विभागास हस्तांतरीत करण्यासाठी अपर मुख्य सचिव (महसूल) यांनी आवश्यक सूचना जारी करण्यास सांगितले. विभागीय आयुक्त यांनी शासनास अंतिम अधिसूचनेसाठी पाठविलेल्या प्रस्तावावर तातडीने कार्यवाही करुन अधिसूचना राजपत्रात प्रसिध्द करण्याचे निर्देश प्रधान सचिव (वने) यांना दिले. या व्यतिरिक्त मिरा-भाईंदर महानगरपालिका, वसई-विरार महानगरपालिका, ठाणे महानगरपालिका व इतर महानगरपालिकांच्या ताब्यातील कांदळवन क्षेत्र राखीव वन म्हणून अधिसूचित करण्यास व वन विभागास हस्तांतरित करण्याचे निर्देश विभागीय आयुक्त (कोकण) यांना दिले. तसेच अधिसूचित व हस्तांतरित कांदळवन क्षेत्राचे ताळमेळ महसूल व वन विभागाने करुन घेण्यासही सूचित केले. वन विभागास हस्तांतरित कांदळवनाचे संरक्षणासाठी उपाययोजना करण्याबाबतही निर्णय घेण्यात आले.

सह्याद्री अतिथीगृह येथे झालेल्या बैठकीस अपर मुख्य सचिव (महसूल) नितीन करीर, प्रधान सचिव (वने) मिलिंद म्हैसकर, प्रधान सचिव (पर्यावरण) मनिषा म्हैसकर, अपर प्रधान मुख्य वनसंरक्षक (कांदळवन कक्ष) वीरेंन्द्र तिवारी,  विभागीय आयुक्त (कोकण विभाग) अण्णासाहेब मिसाळ, जिल्हाधिकारी (मुंबई उपनगर) मिलिंद बोरीकर, जिल्हाधिकारी (ठाणे) राजेश नार्वेकर, जिल्हाधिकारी (पालघर) अतिरिक्त जिल्हाधिकारी (रायगड), मुख्य वनसंरक्षक (मंत्रालय) अरविंद आपटे, उपवनसंरक्षक  (कांदळवन कक्ष, मुंबई) निनु सोमराज उपस्थित होते.

#solapurcitynews

जाहिरात–

WhatsApp Image 2020 09 24 at 4.32.07 PMडिजिटल युगात डिजिटल जाहिरात करा आणि आपल्या व्यवसाय वृद्धिंगत करा

जाहिरातीसाठी आजच संपर्क साधा – 9503221143

Digital Media
Digital Media देशात रेडिओ, टिव्ही, वृत्तपत्रांना मागे टाकत डिजिटल मिडिया उद्यास आले आहे. येणाऱ्या काळात आणि पुढिल पिढीसाठी डिजिटल मिडियावर आणखी जोर वाढणार आहे. आमच्या फेसबुक वाचक संख्या व आमच्यावरील विश्वास पाहून नविन www.solapurcitynews.com वेबसाईट Digital Media वर आपल्या सेवेत आलो आहोत. देशातील व महाराष्ट्रासह आपल्या गावापर्यंतची बातमी तुमच्या पर्यंत पोहचवणार आहोत. सोशल मिडिया व डिजिटल मिडियाकडे सर्वांचा कल वाढतोय म्हणून आम्ही डिजिटल मिडियाकडे पाऊल टाकत आहे.
https://solapurcitynews.com